TOP NEWS
Paulineට ලැබණු මිලියන ගණනක ආධාර සහ පෞද්ගලික ගුවන් යානය
2026-04-30 01:00:26ඔස්ට්රේලියාවේ One Nation පක්ෂ නායක Pauline Hanson විසින් නව පෞද්ගලික ගුවන් යානයක් සහ මිලියන ගණනක දායක මුදල් ලබාගත් බව ප්රකාශ කර තිබේ. ඇය සමාජ මාධ්ය හරහා මෙම ගුවන් යානය “ඉතාමත් ආකර්ෂණීය” සහ “අතිශය හොඳ” යැයි කියා හඳුන්වා දී ඇත. මෙම Cirrus G7 වර්ගයේ ගුවන් යානය සාමාන්යයෙන් ඩොලර් මිලියන 1.5 සිට 1.9 අතර වටිනාකමක් ඇති අතර, නව ප්රචාරක කටයුතු සඳහා භාවිතා කිරීමට සැලසුම් කර ඇත. මෙම ගුවන් යානය සහ ආධාර මුදල් One Nation පක්ෂයට ලැබී ඇත්තේ බලවත් දායකයින් කිහිප දෙනෙකුගෙන් වන අතර, ඔවුන් අතර Adam Giles සහ Ian Plimer එක් එක්ව ඩොලර් 500,000 බැගින් ලබාදී ඇත. එමෙන්ම ව්යාපාරික යුවළක් වන Angus සහ Sarah Aitken විසින් ඩොලර් මිලියන 1ක් දායකත්වයක් ලෙස ලබාදී ඇත. මෙම දායකයින්ගෙන් සමහරු ඔස්ට්රේලියාවේ ධනවත්ම ව්යාපාරිකයින් සමඟ සම්බන්ධ බව වාර්තා වේ. Hanson සඳහන් කරන්නේ මෙම නව ගුවන් යානය තමන්ට දුරස්ථ ප්රදේශවල ජනතාව හමුවීමට සහ දේශපාලන ප්රචාර වැඩිදියුණු කිරීමට උපකාරී වනු ඇති බවයි. එය ඉදිරියට පැවැත්වෙන මැතිවරණ සඳහා One Nation පක්ෂය තවදුරටත් ශක්තිමත් කිරීමේ උත්සාහයක කොටසක් ලෙසද සැලකේ. එමෙන්ම මෙවැනි විශාල දායකත්වයන් දේශපාලනයේ ධනවත් පුද්ගලයන්ගේ බලපෑම පිළිබඳ විවාදයක්ද ඔස්ට්රේලියාව තුළ නැවත මතුව ඇති බවට විචාරකයන් පෙන්වා දෙයි.
ශ්රී ලංකාව තුළ විදුලි දුම්රිය ව්යාපෘතියක්..??
2026-04-29 23:00:00කොළඹ තදාසන්න ප්රදේශයේ දුම්රිය සේවාව නව මුහුණුවරකින් සංවර්ධනය කිරීම සම්බන්ධයෙන් විශේෂ සාකච්ඡාවක් අනුර කුමාර දිසානායක මහතාගේ ප්රධානත්වයෙන් ජනාධිපති කාර්යාලයේදී 29වනදා පෙරවරුවේ පැවැත්විණි. මෙහිදී Colombo Suburban Railway Project පිළිබඳව පුළුල් ලෙස සාකච්ඡා කර ඇති අතර, එම ව්යාපෘතිය යටතේ ප්රධාන දුම්රිය මාර්ග කිහිපයක විදුලි දුම්රිය සේවා ආරම්භ කිරීමේ සැලසුම් සම්බන්ධයෙන් අවධානය යොමු කර ඇත. ඒ අනුව කැලණිවැලි මාර්ගයේ මරදාන සිට මාකුඹුර දක්වා, ප්රධාන මාර්ගයේ කොළඹ කොටුව සිට රාගම දක්වා සහ මුහුදුබඩ මාර්ගයේ කොළඹ කොටුව සිට පානදුර දක්වා පළමු අදියර යටතේ විදුලි දුම්රිය සේවා ක්රියාත්මක කිරීමට සැලසුම් කර තිබේ. මෙම ව්යාපෘතිය සඳහා මුල්ය ප්රතිපාදන සපයා ගැනීම, ක්රියාත්මක කිරීමේදී ඇති විය හැකි අභියෝග සහ තාක්ෂණික කරුණු පිළිබඳවද මෙහිදී විශේෂ අවධානයක් යොමු කෙරිණි. ඉදිරියේදී වර්තමාන දුම්රිය සේවාවට අමතරව විද්යුත් දුම්රිය සේවා හඳුන්වා දීමත්, දුම්රිය මාර්ගවල දැනට පවතින පුළුල් පළල (Broad Gauge) වෙනුවට සම්මත පළල (Standard Gauge) යොදා ගනිමින් මාර්ග ප්රතිසංස්කරණය කිරීමත් සම්බන්ධයෙන්ද මෙහිදී සාකච්ඡා කර ඇත. මෙම ව්යාපෘතිය ලබන වසරේ මුල් භාගයේදී ආරම්භ කිරීමට අපේක්ෂා කරන බවද මෙහිදී තීරණය කර ඇත. මෙම සාකච්ඡාවට බිමල් රත්නායක මහතා ඇතුළු ප්රවාහන හා මහාමාර්ග අමාත්යාංශයේ සහ මුදල් අමාත්යාංශයේ ජ්යෙෂ්ඨ නිලධාරීන් පිරිසක් සහභාගී වූහ.
ශ්රී ලංකාව තුළ ‘දුම්කොළ රහිත පරපුරක්’ නිර්මාණය කිරීමට නව යෝජනා
2026-04-29 21:55:00දුම්කොළ සහ මධ්යසාර පිළිබඳ ජාතික අධිකාරිය විසින් සකස් කරන ලද “Tobacco Free Generation” සංකල්පය සඳහා වන යෝජනා ඇතුළත් සංකල්ප පත්රිකාව සෞඛ්ය හා ජනමාධ්ය අමාත්යාංශයට භාරදී ඇත. මෙම සංකල්ප පත්රිකාව වෛද්ය නලින්ද ජයතිස්ස මහතා වෙත භාර දී ඇත්තේ අධිකාරියේ සභාපති විශේෂඥ වෛද්ය ආනන්ද රත්නායක මහතා සහ රජරට විශ්වවිද්යාලය වෛද්ය පීඨයේ එල්.එල්. අමිල ඉසුරු මහතා විසිනි. මෙම යෝජනාවලිය අනුව 2010 වසරෙන් පසු උපන් සියලුම දරුවන් දුම්කොළ භාවිතයෙන් තොර පරපුරක් බවට පත් කිරීම මෙහි ප්රධාන අරමුණ වේ. ඒ සඳහා ප්රධාන පියවර දෙකක් යෝජනා කර ඇති අතර, පළමුව දුම්කොළ සහ මධ්යසාර පිළිබඳ ජාතික අධිකාරී පනතේ පවතින රෙගුලාසි යාවත්කාලීන කිරීම සඳහා සංශෝධන හඳුන්වාදීමයි. දෙවැන්න ලෙස, නියමිත වයස් සීමාවකට පසු උපත ලබන පුද්ගලයන්ට දුම්කොළ සහ එහි නිෂ්පාදන සඳහා ප්රවේශය සම්පූර්ණයෙන්ම තහනම් කිරීම යෝජනා කර ඇත. ලෝක මට්ටමින් වාර්ෂිකව මිලියන 8කට ආසන්න පිරිසක් දුම්කොළ භාවිතය හේතුවෙන් මිය යන බවත්, එයින් බහුතරයක් සෘජු දුම්පානය හේතුවෙන් වන අතර, සෙසු කොටස අක්රීය දුම්පානය නිසා සිදුවන බවද මෙහිදී පෙන්වා දී ඇත. එමෙන්ම ශ්රී ලංකාවේ ද දුම්කොළ සහ මධ්යසාර භාවිතය හේතුවෙන් වාර්ෂිකව පුද්ගලයන් 22,000කට ආසන්න සංඛ්යාවක් මරණයට පත්වන බවද අනාවරණය කර ඇත. දුම්කොළ සහ මධ්යසාර භාවිතය වෙනත් මත්ද්රව්ය සඳහා පළමු පියවරක් වන බවත්, එම නිසා මෙම ගැටලුවට දිගුකාලීන විසඳුමක් ලෙස “දුම්කොළ රහිත අනාගත පරපුරක්” ගොඩනැගීම අත්යවශ්ය බවත් විශේෂඥයන් පෙන්වා දෙයි.